球隊消息

球隊消息 - 2018-09-03

艾華頓將功補過 荷西安祖成絕殺功臣

東方龍獅港超聯第一戰終於周日(2日)假香港大球場上演,由陳婉婷「牛丸」率領的東方龍獅主場對富力R&F,賽事吸引到1734名球迷入場觀看。東方龍獅憑荷西安祖完場前「絕殺」,以3:2反勝10人應戰富力R&F


上半場10分鐘,林嘉緯在禁區搏得回來防守的伊達犯錯,獲得十二碼,可惜艾華頓主射宴客。17分鐘,利安高把握荷西安祖跣腳左邊窄位起腳抽高。32分鐘,基奧雲尼右路傳中,荷西安祖快腳解圍,富力R&F右路獲得一右路角球,梁諾恆擺脫鄭璟昊接應伊達右路角球頂入,東方龍獅落後01完上半場。


下半場,東方龍獅經過調整後立即見效,47分鐘,艾華頓右路接應梁振邦妙傳,窄位射穿對方龍門陳梓榮「大細」,扳平1156分鐘,李康廉左路禁區頂踢跌伊達,利安高主射罰球死角入網,富力R&F再度領先12。轉捩點於80分鐘出現,盧均宜與林嘉緯跳頂爭位時,林嘉緯被盧均宜手肘擊中,被罰第2面黃牌,富力R&F10人應戰。富力主教練楊正光亦因向球證投訴過激被趕到觀眾席。東方龍獅於90分鐘再度扳平,艾華頓右路拐過羅港威橫傳,洛迪古斯捕到「靚位」射入成2:2。補時4分鐘鄭璟昊右路勁射,陳梓榮飛身將球打出,荷西安祖伏兵12碼點將皮球送入空門,為主隊射入反敗為勝的一球,最終東方龍獅3:2擊敗富力R&F,全取3分。


賽後主教練陳婉婷「牛丸」坦言球隊有點不足:「首先我哋入局唔係咁好,可能有少少季初病,對手喺體能同力量都優勝少少。我哋希望今年喺中路做多啲地面嘅組織,但係目前未夠成熟,有啲地方再需要細膩啲,喺防守上我覺得大家都發揮得好好。」被問到3位新兵表現時,牛丸亦大讚:「艾華頓喺上半場受射失12碼影響,嗰剎那係冇咗信心,但慶幸喺半場個陣同佢講完嘢調整番,出返嚟亦都發揮咗佢嘅功效,最後亦有助攻畀隊友。至於荷西安祖,大家睇到佢用波能力好好,但今日第一日踢大球場對4個後衞嚟講都辛苦,因為大家要時間去適應,而笠臣喺畀波同由攻轉守嘅反應都做得好好,需要多少少時間去磨合,但喺死球處理同控制比賽節奏上,都幫咗球隊好多。」


林嘉緯賽後亦承認盧均宜領紅牌為今仗關鍵:「我相信均宜佢喺無心,係意外嚟,但個吓肘擊的確批中我,但都要取決球證當時判決,對於咁樣被逐出場我只可以講係有啲可惜」

伊達回防推跌林嘉緯被判十二碼

艾華頓操刀,可惜「宴客」


艾華頓將功補過,為球隊扳平1:1


艾華頓力壓羅港威橫傳造就洛迪古斯建功,為球隊再度扳平

基頓後備入替,差點建功
新加盟荷西安祖補時絕殺,為球隊全取3分

東方龍獅副會長郭澤偉帶同仔仔到場支持

贊助商
  • Top-east
  • Metro Sports physiotherapy
  • HHP
  • WorldSoccer球衣製作
  • Watsons Natural Sports Drink
  • Watsons Water
  • i-Control
  • ESA
  • Crocodile
  • Adidas
Strategic Partnership - marketing@easternlonglions.com

Copyright © 2017 Eastern Athletic Association Football Team Limited. All rights reserved.